EXO 6:1 : DAAROP het JaHWeH Moshè geantwoord: Nou sal jy sien wat Ek Farao sal aandoen. Want deur 'n Sterke Hand sal Hy hulle laat trek, ja, deur 'n Sterke Hand gedwing, sal Hy hulle uit sy Aarde uitdrywe.

EXO 6:2 : Verder het Elohim met Moshè gespreek en vir hom gesê: Ek - JaHWeH.

EXO 6:3 : En Ek het aan Abraham, aan Isak en aan Jakob verskyn as El die Almagtige, maar met My Naam JaHWeH het Ek My nie aan hulle bekend gemaak nie. [Génesis 12:8]

EXO 6:4 : Ook het Ek My Verbond met hulle opgerig om hulle die Aarde van Kanaän te gee, die Aarde van hulle vreemdelingskap waar hulle in haar vertoef het;

EXO 6:5 : en Ék het ook gehoor die gekerm van die kinders van JisraEl wat deur die Egiptenaars in slawerny gehou word, en Ek het aan My Verbond gedink.

EXO 6:6 : Daarom, sê aan die kinders van JisraEl: Ek - JaHWeH Ek sal julle onder die harde arbeid van die Egiptenaars uitlei en julle red uit hulle slawerny, en Ek sal julle verlos deur 'n Uitgestrekte Arm en deur groot strafgerigte;

EXO 6:7 : en Ek sal julle as My volk aanneem en vir julle 'n Elohim wees. En julle sal erken dat Ek - JaHWeH julle Elohey is wat julle uitlei onder die harde arbeid van die Egiptenaars uit.

EXO 6:8 : En Ek sal julle bring in die Aarde waaromtrent Ek My Hand opgehef het, om dit aan Abraham, aan Isak en aan Jakob te gee; en Ek sal dit aan julle as 'n besitting gee, Ek - JaHWeH.

EXO 6:9 : Moshè het toe so met die kinders van JisraEl gespreek, maar hulle het nie na Moshè geluister nie, uit ongeduldigheid en weens die harde diens.

EXO 6:10 : Verder het JaHWeH met Moshè gespreek en gesê:

EXO 6:11 : Gaan spreek met Farao, die koning van Egipte, dat hy die kinders van JisraEl vanaf sy Aarde moet laat uittrek.

EXO 6:12 : Maar Moshè het voor die Aangesig van JaHWeH gespreek en gesê: As die kinders van JisraEl na my nie geluister het nie, hoe sal Farao dan na my luister terwyl ek onbesnede van lippe is?

Geslagsregister van Moshè en Aäron.

EXO 6:13 : DAAROP het JaHWeH met Moshè en Aäron gespreek en hulle met 'n boodskap gestuur na die kinders van JisraEl en na Farao, die koning van Egipte, om die kinders van JisraEl uit die Aarde van Egipte uit te lei.

EXO 6:14 : Dit is die hoofde van hulle vaders se huise. Die seuns van Ruben, die eersgeborene van JisraEl: Henog en Pallu, Hesron en Karmi; dit is die families van Ruben.

EXO 6:15 : En die seuns van Símeon: JemuEl en Jamin en Ohad en Jagin en Sohar en Saul, die seun van die Kanaänitiese vrou; dit is die families van Símeon.

EXO 6:16 : En dit is die name van die seuns van Levi volgens hulle genelyn: Gerson en Kehat en Merári. En die lewensjare van Levi was honderd-sewe-en-dertig jaar.

EXO 6:17 : Die seuns van Gerson: Libni en Simeï volgens hulle families.

EXO 6:18 : En die seuns van Kehat: Amram en Jishar en Hebron en UzziEl; en die lewensjare van Kehat was honderd-drie-en-dertig jaar.

EXO 6:19 : En die seuns van Merári: Magli en Musi. Dit is die families van Levi volgens hulle genelyn.

EXO 6:20 : En Amram het JoWkêbed, sy tante, vir hom as vrou geneem, en sy het vir hom Aäron en Moshè gebaar. En die lewensjare van Amram was honderd-sewe-en-dertig jaar.

EXO 6:21 : En die seuns van Jishar: Korag en Nefeg en Sigri.

EXO 6:22 : En die seuns van UzziEl: MisahaEl, El-Safan en Sitri.

EXO 6:23 : En Aäron het EliSheba, die dogter van Ammínadab, die suster van Nagson, vir hom as vrou geneem; en sy het vir hom gebaar: Nadab en Abíhu, El-Azar en Itamar.

EXO 6:24 : En die seuns van Korag: Assir en El-Kanah en Abíasaf. Dit is die families van die Koragiete.

EXO 6:25 : En El-Azar, die seun van Aäron, het vir hom een van die dogters van PutiEl as vrou geneem; en sy het vir hom Pínehas gebaar. Dit is die hoofde van die vaders van die Leviete volgens hulle families.

EXO 6:26 : Dit is Aäron en Moshè aan wie JaHWeH gesê het: Lei die kinders van JisraEl uit die Aarde van Egipte volgens hulle menigtes.

Moshè en die towenaars van Egipte.

EXO 6:27 : DIT is hulle wat met Farao, die koning van Egipte, gespreek het om die kinders van JisraEl uit Egipte uit te lei. Dit is Moshè en Aäron.

EXO 6:28 : Die dag toe JaHWeH met Moshè gespreek het in die Aarde van Egipte,

EXO 6:29 : het JaHWeH Moshè aangespreek met die woorde: Ek - JaHWeH. Sê aan Farao, die koning van Egipte, alles wat Ek met jou spreek.

EXO 6:30 : Toe sê Moshè voor die Aangesig van JaHWeH. Ek is onbesnede van lippe! Hoe sal Farao dan na my luister?

This website was powered by Ewisoft Website Builder.