Moshè en Aäron verskyn voor die koning van Egipte. Die volk kla oor die swaar werk.

EXO 5:1 : EN daarna gaan Moshè en Aäron en sê vir Farao: So spreek JaHWeH, die Elohey van JisraEl: Laat My volk trek, dat hulle vir My 'n Fees kan hou in die wildernis. [Hebreërs 4:9]

EXO 5:2 : Maar Farao antwoord: Wie is JaHWeH na wie se Stem ek moet luister om JisraEl te laat trek? Ek ken JaHWeH nie, en ek sal JisraEl ook nie laat trek nie. [Boekrol van die Opregte 79:44, 46]

EXO 5:3 : Toe sê hulle: Die Elohey van die Hebreërs het ons ontmoet; laat ons tog drie dagreise ver die wildernis intrek en aan JaHWeH onse Elohey slag, sodat Hy ons nie tref met die pes of die swaard nie.

EXO 5:4 : Maar die koning van Egipte antwoord hulle: Moshè en Aäron, waarom hou julle die volk van hulle werk af? Loop na julle werk toe.

EXO 5:5 : Verder het Farao gesê: Kyk, die volk van die Aarde is alreeds baie; en julle wil hulle laat ophou met hulle werk?

EXO 5:6 : Daarom het Farao dieselfde dag aan die drywers onder die volk en die opsigters bevel gegee en gesê:

EXO 5:7 : Julle moet die volk geen strooi meer gee om bakstene te maak soos gister en eergister nie. Laat hulle self gaan en vir hulle strooi versamel.

EXO 5:8 : Maar die hoeveelheid bakstene wat hulle gister en eergister gemaak het, moet julle hulle oplê en niks daarvan verminder nie; want hulle is lui. Daarom roep hulle en sê: Laat ons gaan, laat ons slag aan onse Elohey!

EXO 5:9 : Laat die werk swaar druk op die manne, dat hulle daarmee besig kan wees en nie op leuenagtige woorde let nie.

EXO 5:10 : Toe het die drywers van die volk en die opsigters uitgegaan en tot die volk gespreek en gesê: So spreek Farao: Ek gee julle geen strooi nie.

EXO 5:11 : Loop haal self vir julle strooi waar julle dit kan kry; maar van julle werk word niks verminder nie.

EXO 5:12 : Toe het die volk deur die Aarde van Egipte gegaan om stoppels te versamel vir strooi.

EXO 5:13 : En die drywers het aangedryf en gesê: Voltooi julle werke, volgens die dag tot dag se woorde aan julle net soos toe daar strooi was.

EXO 5:14 : En die opsigters van die kinders van JisraEl wat Farao se drywers oor hulle aangestel het, het slae gekry, met die woorde: Waarom het julle gister en vandag nie soos tevore julle bepaalde werk, om stene te maak, volbring nie?

EXO 5:15 : Daarom het die opsigters van die kinders van JisraEl gegaan, en hulle het geweeklaag by Farao en gesê: Waarom maak u so met u dienaars?

EXO 5:16 : Aan u dienaars word geen strooi gegee nie, en hulle sê vir ons: Maak bakstene! En kyk, u dienaars word geslaan, maar die skuld lê by u volk.

EXO 5:17 : Maar hy het geantwoord: Lui is julle, lui! Daarom sê julle: Laat ons gaan, laat ons aan JaHWeH slag.

EXO 5:18 : Nou dan, loop werk! Maar strooi sal julle nie gegee word nie. Ewenwel moet julle die hoeveelheid bakstene aflewer.

EXO 5:19 : Toe sien die opsigters van die kinders van JisraEl dat dit sleg met hulle staan, omdat daar gesê is: Julle mag jul bakstene, volgens die dag tot dag se woorde aan julle, nie verminder nie.

EXO 5:20 : En hulle het Moshè en Aäron teëgekom, wat daar gestaan het om hulle te ontmoet as hulle van Farao af weggaan,

EXO 5:21 : en het vir hulle gesê: Mag JaHWeH op julle let en oordeel, omdat julle ons gehaat gemaak het in die oë van Farao en in die oë van sy dienaars, sodat julle 'n swaard in hulle hand gegee het om ons om te bring.

Elohim beloof Verlossing

EXO 5:22 : TOE gaan Moshè weer na JaHWeH en sê: My Meester, waarom het U hierdie volk kwaad aangedoen? Waarom het U my tog gestuur?

EXO 5:23 : Want vandat ek na Farao gegaan het om in U Naam te spreek, het hy hierdie volk mishandel, en U het U volk glad nie verlos nie.

This website was powered by Ewisoft Website Builder.