MAL 1:1 : DIE las van die Woord van JaHWeH aan JisraEl deur die diens van Maleági.

MAL 1:2 : Ek het julle liefgehad, sê JaHWeH. Nogtans vra julle: Waarin het U ons liefgehad? Is Esau nie die broer van Jakob nie? spreek JaHWeH. Tog het Ek Jakob liefgehad,

MAL 1:3 : maar Esau het Ek gehaat en sy gebergte 'n verwoesting gemaak en sy erfdeel aan die jakkalse van die wildernis [prysgegee]. [Wysheid van Salomo 11:24; Wysheid van Sirah 15:11]

MAL 1:4 : As Edom sê: Ons is wel verwoes, maar ons sal die puinhope weer opbou - dan sê JaHWeH van die skeppings-leërmag dit: Laat hulle bou, Ek breek haar tog af; en die mense sal haar noem: Grondgebied van besoedeling, en: Die volk waarop JaHWeH vertoornd is tot in ewigheid!

MAL 1:5 : En julle oë sal haar aanskou, en julle sal sê: Groot is JaHWeH oor die gebied van JisraEl!

MAL 1:6 : 'n Seun eer sy vader, en 'n slaaf sy eienaar. As Ek dan 'n Vader is, waar is My Eer? En as Ek die Meester is, waar is die Vrees vir My? sê JaHWeH van die skeppings-leërmag aan julle, o priesters, wat My Naam verag! Maar julle sê: Waardeur het ons U Naam verag?

MAL 1:7 : Julle bring besoedelde Brood na My altaar, en dan vra julle: Waardeur het ons U besoedel? Deurdat julle sê: Die tafel van JaHWeH is veragtelik.

MAL 1:8 : En as julle 'n blinde [dier] nader bring om te slag, is dit nie besoedel nie! En as julle 'n lam of 'n siek dier bring, is dit nie besoedel nie! Bring haar tog nader vir jou goewerneur! Sal hy 'n welgevalle aan jou hê of jou goedgesind wees? sê JaHWeH van die skeppings-leërmag.

MAL 1:9 : Smeek dan nou tog die Aangesig van El, dat Hy Ons goedgunstig kan wees! Sulke dinge is deur julle gedoen - sal Hy dan om julle ontwil goedgesind wees? sê JaHWeH van die skeppings-leërmag.

MAL 1:10 : Ag, was daar maar iemand onder julle wat die deure wou sluit, sodat julle nie tevergeefs vuur op My altaar kan aansteek nie! Ek het in julle geen welgevalle nie, sê JaHWeH van die skeppings-leërmag, en in 'n spysbydrae uit julle hand het Ek geen behae nie.

MAL 1:11 : Want van die opgang van die son tot sy ondergang toe is My Naam groot onder die nasies; en in elke plek word tot Eer van My Naam reukwerk gebring en 'n suiwer spysbydrae; want My Naam is groot onder die nasies, sê JaHWeH van die skeppings-leërmag.

MAL 1:12 : Julle daarenteen besoedel Hom as julle sê: Die tafel van my Meester is vermeng, en die opbrengs, selfs die vleis is veragtelik.

MAL 1:13 : En julle sê: Kyk, wat 'n moeite! En julle verag hom, sê JaHWeH van die skeppings-leërmag; en julle bring geroofde en lam en siek [diere] - so bring julle dan die spysbydrae! Kan Ek haar met welgevalle uit julle hand aanneem? sê JaHWeH.

MAL 1:14 : Vervloek is ook die bedrieër wat, terwyl daar onder sy kleinvee 'n manlike dier is, 'n Gelofte doen en tog iets wat vermink is, aan die Meester slag; want Ek is 'n groot Koning, sê JaHWeH van die skeppings-leërmag, en My Naam is gevrees onder die nasies.

This website was powered by Ewisoft Website Builder.