2PET 1:1 : SIMEON Petrus, 'n dienskneg en Apostel van JaHWèshua die Gesalfde, aan die wat net so 'n kosbare Geloof as ons verkry het deur die Geregtigheid van onse Elohey en Verlosser, JaHWèshua die Gesalfde:

2PET 1:2 : Mag Barmhartigheid en Vrede vir julle vermeerder word deur die Kennis van Elohim en JaHWèshua, onse Meester!

2PET 1:3 : IMMERS, SY Krag van BO het ons alles geskenk wat tot die lewe en eerbaarheid dien, deur die Kennis van Hom wat ons geroep het deur Sy Majesteit en Deug,

2PET 1:4 : waardeur Hy ons die grootste en kosbare Beloftes geskenk het, sodat julle deur Hulle saamgevoeg kan word vanuit die Elohim, nadat julle die verdorwenheid ontvlug het wat deur begeerlikheid in die wêreld is.

2PET 1:5 : En juis daarom ook moet julle met aanwending van alle ywer by julle Geloof voeg die Deug, en by die Deug die Kennis,

2PET 1:6 : en by die kennis die selfbeheersing, en by die selfbeheersing die lydsaamheid, en by die lydsaamheid die eerbaarheid,

2PET 1:7 : en by die eerbaarheid die broederliefde, en by die broederliefde die liefdadigheid.

2PET 1:8 : Want as hierdie dinge by julle aanwesig is en toeneem, dan laat Sy julle nie ledig of onvrugbaar tot die Kennis van onse Meester JaHWèshua die Gesalfde nie;

2PET 1:9 : want hy by wie hierdie dinge nie aanwesig is nie, is blind en kortsigtig, en het die wassing/doop van sy vorige oortredinge vergeet.

2PET 1:10 : Daarom, broers, moet julle jul des te meer beywer om julle roeping en verkiesing vas te maak; want as julle dit doen, sal julle nooit struikel nie.

2PET 1:11 : Want so sal ryklik aan julle verleen word die ingang in die ewige Koninkryk van onse Meester en Verlosser, JaHWèshua die Gesalfde.

2PET 1:12 : Daarom sal ek nie nalaat om julle altyd hieraan te herinner nie, alhoewel julle [Haar] ken en vasstaan in die Waarheid wat by julle is.

2PET 1:13 : En ek beskou dit regverdig, so lank as ek in hierdie tentwoning is, om julle deur herinnering op te wek,

2PET 1:14 : omdat ek weet dat die aflegging van my tentwoning op hande is, soos onse Meester JaHWèshua die Gesalfde dit ook aan my bekend gemaak het.

2PET 1:15 : En ek sal my beywer, dat julle ook gedurig ná my heengaan hierdie dinge in gedagtenis kan hou.

2PET 1:16 : Want ons het nie kunstig verdigte fabels nagevolg toe ons julle die Krag en koms van onse Meester JaHWèshua die Gesalfde bekend gemaak het nie, maar ons was ooggetuies van Sy Majesteit;

2PET 1:17 : want Hy het van die Elohim die VADER Eer en Majesteit ontvang toe hierdie Stem uit die luisterryke Glansrykheid tot Hom gekom het: DIT IS MY GELIEFDE SEUN IN WIE EK 'N WELBEHAE HET.

2PET 1:18 : En hierdie Stem het ons uit die Hemele hoor kom toe ons saam met Hom op die berg van Apartheid was.

2PET 1:19 : En ons het die profetiese Woord wat baie vas is, waarop julle tog moet ag gee soos op 'n lamp wat in 'n donker plek skyn, totdat die dag aanbreek en die Môrester opgaan in julle harte;

2PET 1:20 : terwyl julle veral dit moet weet, dat geen profesie van die Skrif 'n saak van eie uitlegging is nie;

2PET 1:21 : want geen profesie is ooit deur die wil van 'n adamiet voortgebring nie, maar, deur die Gees van die Apartheid gedrywe, het die Apartes van die Elohim gespreek.

This website was powered by Ewisoft Website Builder.