TOB 13:1 : TOE het Tobias 'n lofgebed neer geskryf en [daarin] gesê: Loof JaHWeH wat vir ewig lewe, en geseënd is Sy koninkryk,

TOB 13:2 : want Hy tugtig en Hy betoon Barmhartigheid, Hy laat mense in die Doderyk/Sheol afdaal en Hy bring hulle uit haar weer op, en daar is niemand wat Sy Hand kan ontvlug nie.

TOB 13:3 : Dank Hom, JisraEliete, in die teenwoordigheid van die nasies, want Hy het julle onder hulle verstrooi.

TOB 13:4 : Toon dáár Sy Glansrykheid; verhef Hom in die aangesig van al wat leef, want Hy is ons Meester en ons Elohey, Hy is onse Vader tot in ewigheid.

TOB 13:5 : Hy sal ons tugtig weens ons oortredinge, en Hy sal Hom weer ontferm en ons vergader te midde van al die nasies waarheen julle verstrooi is. [JeshaJaHuW 11:12]

TOB 13:6 : As julle jul met julle hele hart tot Hom bekeer, en met julle hele siel in Waarheid voor Hom wil wandel, dan sal Hy Hom tot julle wend; Hy sal Sy Aangesig vir julle nie verberg nie. Bemerk hoe Hy met julle wil handel en dank Hom uit volle bors. Loof JaHWeH van Geregtigheid en verhef die Koning van die eeue. In die Aarde van my gevangeskap dank ek Hom, en ek openbaar Sy Mag en Sy Majesteit aan 'n nasie van wetsoortreders: wend julle tot Hom, o wetsoortreders, en doen wat Reg is in Sy Oë; miskien sal Hy Hom oor julle ontferm en julle Barmhartigheid bewys.

TOB 13:7 : Ek verhef my Elohey, my siel verhef die Koning van die Hemele en jubel in Sy Glansrykheid.

TOB 13:8 : Laat alle mense spreek en Hom in Jerusalem dank betuig.

TOB 13:9 : O Jerusalem, Stad van Apartheid, Hy sal jou tugtig weens die dade van jou kinders. Maar dan sal Hy Hom meer ontferm oor die seuns van die opregte.

TOB 13:10 : Dank JaHWeH in alle Suiwerheid en loof die Koning van die eeue dat Sy Tent met Vreugde in jou herbou mag word. Mag Hy hulle wat gevangenes is in jou bly maak, en mag Hy die ellendige in jou liefhê vir alle geslagte tot in ewigheid.

TOB 13:11 : Baie nasies sal van ver af na die Naam van JaHWeH onse Elohey toe kom met geskenke in hulle hande, geskenke vir die Koning van die Hemele. Geslagte van geslagte sal U lof verhef.

TOB 13:12 : Vervloek is almal wat U haat! Almal wat U liefhet, sal vir ewig geseënd wees.

TOB 13:13 : Verbly en verheug julle in die seuns van die opregte, want hulle sal saam vergader word en hulle sal JaHWeH van die opregte prys.

TOB 13:14 : Geseënd is hulle wat U liefhet! Hulle sal hulle verbly in U Vrede. Geseënd is hulle wat bedroef is oor al U kastydinge, want hulle sal hul oor U verbly as hulle U Glansrykheid aanskou, en hulle sal ewige Vreugde bedryf.

TOB 13:15 : Laat my siel JaHWeH, die groot Koning, loof,

TOB 13:16 : want Jerusalem sal gebou word met saffiere en smaragde, en haar mure met kosbare stene, en haar torings en vestings van suiwer goud.

TOB 13:17 : En die strate van Jerusalem sal geplavei wees met berille en robyne en klippe van Ofir,

TOB 13:18 : En al haar pleine sal sê: Halalu-JaHH/Prys jul JaHH', en sal lof verhef en sê: Loof JaHWeH wat jou verhoog het tot in ewigheid!

This website was powered by Ewisoft Website Builder.