SPR 8:1 : ROEP die Wysheid nie, en verhef die Verstand nie Haar Stem nie?

SPR 8:2 : Op die top van die verhewe plekke langs die Weg, op die kruispunt van die Paaie staan Sy,

SPR 8:3 : aan die kant van die Poorte by die uitgang van die Stad, by die ingang van die deure roep Sy hardop:

SPR 8:4 : Ek roep na julle, manne, en My Stem is tot die seuns van die Adam.

SPR 8:5 : Leer tog skranderheid verstaan, eenvoudiges, en dwase, leer verstandigheid verstaan.

SPR 8:6 : Hoor, want Ek sal voortreflike dinge spreek, en My Lippe gaan oop vir wat Reg is.

SPR 8:7 : Want My verhemelte spreek Waarheid, en besoedeling is vir My Lippe 'n gruwel.

SPR 8:8 : Al die Woorde van My Mond is Geregtigheid; geen verdraaidheid of valsheid nie,

SPR 8:9 : hulle is almal duidelik vir die verstandige en Reg vir die wat Kennis gevind het.

SPR 8:10 : Neem My Tug aan, en nie silwer nie, en Kennis liewer as uitgesoekte goud.

SPR 8:11 : Want Wysheid is suiwerder as robyne, en al die kleinode kan nie met Haar vergelyk word nie.

SPR 8:12 : Ek, Wysheid, is vertroud met die skranderheid, en Ek vind Kennis van regte Oorleg.

SPR 8:13 : Die Vrees van JaHWeH is om te haat wat besoedel is; hoogmoed en trotsheid en 'n besoedelde wandel en 'n huigelagtige mond haat Ek.

SPR 8:14 : Raad en Wysheid is Myne, Ek is die Insig, Sterkte is Myne.

SPR 8:15 : Deur My regeer die konings en skryf die maghebbers wetgewing van Geregtigheid;

SPR 8:16 : deur My heers die vorste en die edeles, al die regters van die Aarde.

SPR 8:17 : Ék het lief die wat My liefhet, en die wat My soek, sal My vind.

SPR 8:18 : Rykdom en Eer is by My, duursame goed en Geregtigheid.

SPR 8:19 : My vrug is suiwerder as goud en as fyn goud, en My opbrengs as uitgesoekte silwer.

SPR 8:20 : Ek wandel op die Weg van Geregtigheid, in die middel van die Paaie van Reg,

SPR 8:21 : om die wat My liefhet, 'n besitting te laat erwe, en hulle skatkamers maak Ek vol.

SPR 8:22 : JaHWeH het My berei as eersteling van Sy Weg, voor Sy werke, van ouds af. [Wysheid van Sirah 24]

SPR 8:23 : Van ewigheid af is Ek geformeer, van die begin af, van die voortyd van die Aarde af.

SPR 8:24 : Toe daar nog geen Afgrond was nie, is Ek gebore; toe Fonteine, swaar van water, nog nie daar was nie;

SPR 8:25 : voordat die berge ingesink het, voor die heuwels is Ek gebore;

SPR 8:26 : toe HY die Aarde en die velde en al die stoffies van die wêreld nog nie gemaak het nie.

SPR 8:27 : Toe HY die Hemele berei het, was Ek daar; toe HY 'n kring afgetrek het op die aangesig van die Afgrond;

SPR 8:28 : toe HY die Hemele daarbo versterk het, toe die Fonteine van die Afgrond versterk was;

SPR 8:29 : toe HY vir die see sy grens gestel het, dat die waters SY bevel nie sou oortree nie; toe HY die fondamente van die Aarde vasgelê het -

SPR 8:30 : toe was Ek by HOM, soos een wat opgelei word en Ek was dag vir dag vol verlustiging en het gespeel voor SY Aangesig altyd,

SPR 8:31 : en het gespeel op die bewoonde deel van SY Aarde, en My verlustiginge was met die seuns van adam.

SPR 8:32 : Luister dan nou na My, seuns; want geseënd is hulle wat My Weë bewaar.

SPR 8:33 : Luister na Tug en word wys, en verwerp Haar nie.

SPR 8:34 : Geseënd is die adamiet wat na My luister, om dag vir dag te waak aan My deure, by die syposte van My Poorte die wag te hou.

SPR 8:35 : Want hy wat My vind, het die lewe gevind en verkry Vreugde van JaHWeH.

SPR 8:36 : Maar hy wat My nie vind nie, benadeel sy eie siel; almal wat My haat, het die Dood lief.

This website was powered by Ewisoft Website Builder.