SPR 22:1 : 'n NAAM is verkiesliker as groot rykdom, Guns suiwerder as silwer en as goud.

SPR 22:2 : Rykes en armes ontmoet mekaar, JaHWeH het hulle almal gemaak.

SPR 22:3 : 'n Verstandige sien die besoedeling en verberg hom, maar die dwaas gaan verder en word gestraf.

SPR 22:4 : Die loon van nederigheid en die Vrees van JaHWeH, is rykdom, eer en lewe.

SPR 22:5 : Dorings, vangnette lê op die pad van die verbasteringsvoorstaander; hy wat sy siel wil bewaar, bly ver weg daarvandaan. [Génesis 3:18; Markus 4:18]

SPR 22:6 : Leer die seun volgens die Mond die Weg; dan sal hy, ook as hy oud word, van Haar nie afwyk nie. [Psalm 18:30]

SPR 22:7 : Die ryke heers oor die armes, en hy wat leen, is 'n slaaf van die man wat uitleen.

SPR 22:8 : Wie wetsverbreking saai, sal hartseer maai; met die stok van sy woede sal hy vernietig word.

SPR 22:9 : Wie 'n suiwer oog het, hy word geseën, omdat hy van sy brood aan die arme gee.

SPR 22:10 : Dryf die spotter weg, dan gaan die twis weg; en die stryery en die geskimp hou op.

SPR 22:11 : Hy wat suiwerheid van hart liefhet, wie se lippe aangenaam is - die koning is sy vriend.

SPR 22:12 : Die Oë van JaHWeH bewaar Kennis; daarom verdraai Hy die woorde van die verraaier.

SPR 22:13 : Die luiaard sê: Daar is 'n leeu buitekant; ek kan in die middel van die strate vermoor word!

SPR 22:14 : Die mond van verbasterde vroue is 'n misterieuse kuil; hy op wie JaHWeH vertoornd is, sal daarin val.

SPR 22:15 : As die sotheid vassit in die hart van die seun, die tugroede sal haar daaruit verwyder.

SPR 22:16 : Wie die arme verdruk, bevoordeel hom; hy wat aan die ryke gee, verarm hom net.

SPR 22:17 : Gee gehoor en luister na die woorde van die wyse manne, en let op My Kennis.

SPR 22:18 : Want Sy is lieflik as jy Haar in jou binneste bewaar; mag hulle tesame gereed lê op jou lippe.

SPR 22:19 : Dat jou vertroue op JaHWeH mag wees, daarom onderrig Ek jou vandag, ja, vir jou.

SPR 22:20 : Het Ek jou nie kernagtige spreuke voorgeskrywe met Raad en met Kennis,

SPR 22:21 : om jou bekend te maak Waarheid, betroubare woorde, sodat jy woorde van Waarheid kan antwoord aan die wat jou stuur nie?

SPR 22:22 : Beroof die arme nie, omdat hy arm is, en verbrysel die ellendige nie in die poort nie.

SPR 22:23 : Want JaHWeH sal hulle saak verdedig en hulle berowers van die siel berowe.

SPR 22:24 : Verkeer nie met 'n driftige man nie, en met 'n opvlieënde man moet jy nie omgaan nie,

SPR 22:25 : sodat jy nie gewoond raak aan sy paaie en 'n strik vir jouself span nie.

SPR 22:26 : Wees nie onder die wat die [hand]palm klap, onder die wat vir skulde borg staan nie.

SPR 22:27 : As jy nie het om te betaal nie, waarom sal hulle jou bed onder jou uit neem?

SPR 22:28 : Die ou grenslyne wat jou vaders gemaak het, moet jy nie verlê nie.

SPR 22:29 : Sien jy 'n man wat vaardig is in sy werk - hy kan voor konings staan, hy hoef nie voor geringes te staan nie.

This website was powered by Ewisoft Website Builder.