SPR 6:1 : MY seun, as jy vir jou naaste borg gestaan het, en jou handpalm vir 'n verbasterde gegee het, [Spreuke 11:15]

SPR 6:2 : verstrik is in die woorde van jou mond, gevang is deur die woorde van jou mond,

SPR 6:3 : doen dan dit, My seun, om jouself te bevry - wanneer jy in die handpalms van jou vriend geval het - gaan onderwerp jouself en bemoedig jou vriend,

SPR 6:4 : gun jou oë geen slaap en jou ooglede geen sluimering nie;

SPR 6:5 : red jou soos 'n gemsbok uit die hand, en soos 'n voël uit die hand van 'n voëlvanger.

SPR 6:6 : Gaan na die mier, luiaard, kyk na haar weë en word wys!

SPR 6:7 : Wie vir haar geen aanvoerder, opsigter of heerser het nie,

SPR 6:8 : maak haar brood klaar in die somer, bêre haar voedsel weg in die oestyd.

SPR 6:9 : Hoe lank, luiaard, sal jy bly lê, wanneer sal jy opstaan uit jou slaap?

SPR 6:10 : Nog 'n bietjie slaap, nog 'n bietjie sluimer, nog 'n bietjie hande vou om uit te rus!

SPR 6:11 : So kom dan jou armoede soos 'n rondloper en jou gebrek soos 'n gewapende man.

SPR 6:12 : 'n Adamiet van Belijaal, 'n wettelose is hy wat met 'n valse mond rondloop,

SPR 6:13 : wat met sy oë knip, met sy voete beduie, met sy vingers tekens gee;

SPR 6:14 : in wie se hart valse streke is, wat altyd besoedeling bewerk en tweedrag saai.

SPR 6:15 : Daarom sal sy ondergang skielik kom, onvoorsiens sal hy verbreek word sonder dat daar genesing voor is.

SPR 6:16 : Hierdie ses dinge haat JaHWeH, en sewe is vir SY Siel 'n gruwel:

SPR 6:17 : trotse oë, 'n leuenagtige tong en hande wat onskuldige bloed vergiet,

SPR 6:18 : 'n hart wat wettelose planne beraam, voete wat haastig na die besoedeling toe loop, [1 Ezra 1:26]

SPR 6:19 : een wat as valse getuie leuens uitstrooi en tussen broers tweedrag saai.

SPR 6:20 : BEWAAR, My seun, die Gebod van jou Vader, en verwerp die Wet van jou Moeder nie; [Wysheid van Salomo 6:18]

SPR 6:21 : bind Haar voortdurend op jou hart, hang Haar om jou hals;

SPR 6:22 : mag Sy jou lei as jy wandel, oor jou wag hou as jy slaap en jou toespreek as jy wakker word.

SPR 6:23 : Want die Gebod is 'n lamp en die Wet is 'n Lig en die Teregwysing van die Tug 'n Weg tot die lewe, [Wysheid van Sirah 4:11-19]

SPR 6:24 : om jou te bewaar vir die Vrou van Besoedeling, vir die gevlei van 'n volksvreemde vrou.

SPR 6:25 : Begeer haar skoonheid nie in jou hart nie, en laat sy jou nie vang met haar ooglede nie;

SPR 6:26 : want 'n vrou hoereer vir 'n ronde brood, en 'n vrou van 'n man maak jag op 'n kosbare siel.

SPR 6:27 : Kan iemand vuur in sy skoot dra sonder dat sy klere verbrand?

SPR 6:28 : Of kan iemand op gloeiende kole loop sonder dat sy voete brandwonde kry?

SPR 6:29 : So is dit met hom wat by die vrou van sy naaste ingaan; elkeen wat haar aanraak, sal nie ongestraf bly nie.

SPR 6:30 : 'n Dief word nie verag as hy steel om sy siel te bevredig nie, omdat hy honger het;

SPR 6:31 : en as hy uitgevind word, moet hy sewevoudig vergoeding gee; al die goed van sy huis moet hy gee.

SPR 6:32 : Hy wat vermeng, is sonder Verstand; hy wat sy eie siel wil verwoes, hy doen so iets;

SPR 6:33 : slae en skande sal hy kry, en sy smaad sal nie uitgewis word nie;

SPR 6:34 : want Jaloersheid is 'n Toorngloed in 'n vegter, en op die dag van wraak verskoon Hy nie; [Exodus 20:5]

SPR 6:35 : Hy neem glad geen losprys in aanmerking nie, en Hy willig nie in nie al maak jy die omkoopgeskenk nog so groot.

This website was powered by Ewisoft Website Builder.