JER 47:1 : DIE Woord van JaHWeH wat tot die profeet JirmeJaHûW gekom het aangaande die Filistyne voordat Farao Gasa verslaan het.

JER 47:2 : So sê JaHWeH: Kyk, die waters rys op uit die Noorde en hulle sal 'n oorlopende stroom word; ja, hulle oorstroom die Aarde en sy volheid, die stad en die wat in haar woon; en die adamiete sal skreeu, en al die inwoners van die Aarde sal huil,

JER 47:3 : weens dié stampgeluid van sy perde se pote, weens die geraas van sy waens, die gedreun van sy wiele. Die vaders kyk nie om na die kinders nie - so slap is die hande -

JER 47:4 : weens die dag wat kom om al die Filistyne tot niet te maak, om van Tirus en Sidon die laaste een uit te roei wat kan help; want JaHWeH maak die Filistyne tot niet, die oorblyfsel van die eiland Kaftor.

JER 47:5 : 'n Kaal plek het op Gasa gekom; Askelon is vernietig, die oorblyfsel van hulle dal. Hoe lank sal jy jou stukkend kerwe?

JER 47:6 : Wee, Swaard van JaHWeH, hoe lank sal sy/dit geen rus hê nie? Keer terug in jou skede, rus en wees stil.

JER 47:7 : Hoe sal sy/dit rus hê, terwyl JaHWeH aan haar/daaraan bevel gegee het teen Askelon en teen die seekus? Daar het Hy haar/dit bestel.

This website was powered by Ewisoft Website Builder.