2 KRO 11:1 : EN toe Rehábeam in Jerusalem kom, het hy die huis van JeHûWdah en Benjamin, honderd-en-tagtigduisend krygshaftige jongmanne, byeen laat kom om teen JisraEl oorlog te voer, om die koningskap vir Rehábeam terug te win.

2 KRO 11:2 : Maar die Woord van JaHWeH het tot ShemaJaHûW, die man van die Elohim, gekom en gesê:

2 KRO 11:3 : Spreek met Rehábeam, die seun van Salomo, die koning van JeHûWdah, en met die hele JisraEl in JeHûWdah en in Benjamin, en sê:

2 KRO 11:4 : So spreek JaHWeH: Julle mag nie optrek en teen julle broers oorlog voer nie; julle moet omdraai, elkeen na sy huis, want van My het hierdie saak gekom. Hulle het toe geluister na die Woord van JaHWeH en omgedraai sonder om teen Jeróbeam op te trek.

2 KRO 11:5 : EN Rehábeam het in Jerusalem gewoon en stede as vestings opgebou in JeHûWdah.

2 KRO 11:6 : Hy het naamlik Betlehem opgebou, en Etam en Tekóa;

2 KRO 11:7 : en Bet-Sur en Sogo en Adúllam;

2 KRO 11:8 : en Gat en Marésa en Sif;

2 KRO 11:9 : en Adoráim en Lagis en Aséka;

2 KRO 11:10 : en Sorea en Ajalon en Hebron, versterkte stede in JeHûWdah en in Benjamin.

2 KRO 11:11 : En hy het die vestings versterk en daarin bevelhebbers aangestel met voorrade voedsel en olie en wyn,

2 KRO 11:12 : en in elkeen van die stede groot skilde en spiese; en hy het hulle uitermate versterk; en JeHûWdah en Benjamin het aan hom behoort.

2 KRO 11:13 : En die priesters en die Leviete wat in die hele JisraEl was, het uit hulle hele grondgebied by hom gestaan.

2 KRO 11:14 : Want die Leviete het hulle weiveld en hulle besitting verlaat en na JeHûWdah en Jerusalem getrek; want Jeróbeam en sy seuns het hulle verwerp, sodat hulle geen priesters van JaHWeH meer kon wees nie.

2 KRO 11:15 : En hy het vir hom priesters aangestel vir die Hoogtes en die bok-demone en die kalwers wat hy gemaak het.

2 KRO 11:16 : En agter hulle aan het uit al die stamme van JisraEl die wat hulle hart daarop gerig het om JaHWeH, die Elohey van JisraEl, te soek, na Jerusalem gekom om aan JaHWeH, die Elohey van hulle vaders, te slag;

2 KRO 11:17 : en hulle het die koninkryk van JeHûWdah versterk en Rehábeam, die seun van Salomo, drie jaar lank bemoedig; want drie jaar lank het hulle in die weg van Dawid en van Salomo gewandel.

2 KRO 11:18 : En Rehábeam het Maglat, die dogter van Jérimot, die seun van Dawid, [en] van Abíhail, die dogter van EliAb, die seun van Isai, vir hom as vrou geneem.

2 KRO 11:19 : En sy het vir hom seuns gebaar: Jehus en SemarJaH en Saham.

2 KRO 11:20 : En ná haar het hy Máäga, die dogter van Absalom, geneem, en sy het vir hom AbiJaH en Attai en Sisa en Sélomit gebaar.

2 KRO 11:21 : En Rehábeam het Máäga, die dogter van Absalom, liewer gehad as al sy vroue en sy byvroue; hy het naamlik agttien vroue geneem en sestig byvroue; en hy het die vader van agt-en-twintig seuns en sestig dogters geword.

2 KRO 11:22 : En Rehábeam het AbiJaH, die seun van Máäga, as hoof, as vors onder sy broers aangestel; want hy wou hom koning maak.

2 KRO 11:23 : En hy het verstandig gehandel en van al sy seuns versprei in die Aarde van JeHûWdah en Benjamin, in al die versterkte stede, en aan hulle voedsel in oorvloed gegee en 'n menigte vroue vir hulle gevra.

This website was powered by Ewisoft Website Builder.