KLAAG 3:1 : [a Alef.] EK is die Magtige wat ellende gesien het deur die Septer van Sy Grimmigheid.

KLAAG 3:2 : My het Hy gelei en laat wandel in Duisternis sonder Lig.

KLAAG 3:3 : Ja, altyd weer draai Hy die hele dag Sy Hand teen My.

KLAAG 3:4 : [Bi Bet.] Hy het My vlees en My vel laat wegteer, My gebeente verbreek.

KLAAG 3:5 : Hy het My met 'n bouwerk omsingel van gif en moeite.

KLAAG 3:6 : Hy het My in duister plekke laat sit soos die wat lankal dood is.

KLAAG 3:7 : [G Ghimel.] Hy het My toegemuur, sodat Ek nie kan uitkom nie, My koperboeie swaar gemaak.

KLAAG 3:8 : Al skreeu Ek ook en al roep Ek om hulp, Hy laat My gebed onverhoord. [Spreuke 28:9]

KLAAG 3:9 : Hy het My Weë toegemuur met gekapte klip, My Paaie onbegaanbaar gemaak.

KLAAG 3:10 : [Do Dalet.] Hy is 'n beer wat My voorlê, 'n leeu in skuilplekke.

KLAAG 3:11 : Hy het My Weë laat wegdraai en My verskeur, My tot 'n nietigheid gemaak.

KLAAG 3:12 : Hy het Sy boog gespan en My as 'n teiken vir die pyl opgestel.

KLAAG 3:13 : [he Hé.] Hy het die pyle uit Sy pylkoker in My niere laat ingaan.

KLAAG 3:14 : Ek het 'n belagging geword vir My hele volk, hulle spotlied die hele dag.

KLAAG 3:15 : Hy het My met bitterheid versadig, My genoeg Alsem laat drink.

KLAAG 3:16 : [w" Waw.] En Hy het My die tande op gruisklippertjies laat stukkend byt, My in die as neergedruk.

KLAAG 3:17 : En U het My Siel van die Vrede verstoot, Ek het die suiwere vergeet.

KLAAG 3:18 : Ja, Ek het gesê: My roem het vergaan en My hoop op JaHWeH.

KLAAG 3:19 : [zÒ Zajin.] Dink aan My ellende en My omswerwing, aan die Alsem en die gif.

KLAAG 3:20 : As My Siel terdeë daaraan dink, buig sy haar neer in My.

KLAAG 3:21 : Haar sal Ek ter harte neem, daarom sal Ek hoop:

KLAAG 3:22 : [j' Get.] Die Medelye van JaHWeH het verhoed dat Ons nie omgekom het nie, want Sy dade van Barmhartigheid het geen einde nie;

KLAAG 3:23 : Hulle is elke môre nuut; U Getrouheid is groot.

KLAAG 3:24 : JaHWeH is My deel, sê My Siel, daarom sal Ek op Hom hoop.

KLAAG 3:25 : [fo Tet.] JaHWeH is Suiwerheid vir die wat op Hom hoop, vir die siel wat Hom soek.

KLAAG 3:26 : Dit is suiwer om in stilheid te hoop op die Hulp van JaHWeH.

KLAAG 3:27 : Dit is suiwer vir 'n Magtige dat Hy die juk in Sy jeug dra.

KLAAG 3:28 : [yE Jod.] Laat Hom eensaam sit en swyg, as Hy haar opgelê het.

KLAAG 3:29 : Laat Hy Sy mond in die stof steek - miskien is daar hoop!

KLAAG 3:30 : Laat Hy die wang gee vir die wat Hom slaan, laat Hy genoeg kry van smaad. [Lukas 22:63]

KLAAG 3:31 : [Ki Kaf.] Want My Meester sal nie vir ewig verstoot nie.

KLAAG 3:32 : Maar as Hy bedroef het, ontferm Hy Hom na die grootheid van Sy Medelye;

KLAAG 3:33 : want nie van harte verdruk of bedroef Hy die kinders van diensknegte nie.

KLAAG 3:34 : [l Lamed.] Dat hulle al die gevangenes van die Aarde onder hul voete vertrap,

KLAAG 3:35 : dat hulle die Reg van 'n Magtige verdraai voor die Aangesig van die Hoogste El,

KLAAG 3:36 : dat hulle 'n Adamiet onregverdig behandel in Sy Regsaak - het My Meester dit nie gesien nie?

KLAAG 3:37 : [mi Mem.] Wie spreek daar, en dit gebeur? Het My Meester dit nie beveel nie?

KLAAG 3:38 : Uit die Mond van die Hoogste El gaan nie besoedeling sowel as suiwerheid nie?

KLAAG 3:39 : Wat klaag 'n adamiet in sy lewe? 'n kryger oor die straf van sy oortredinge?

KLAAG 3:40 : [n" Noen.] Laat Ons Weë naspeur en deursoek en Ons tot JaHWeH bekeer;

KLAAG 3:41 : laat Ons hart saam met die handpalms ophef tot El in die Hemele [en sê]:

KLAAG 3:42 : Ons het oortree en Ons het gerebelleer - U het nie vergewe nie.

KLAAG 3:43 : [s' Samek.] U het U in Toorn gehul en Ons agtervolg, U het gedood sonder verskoning.

KLAAG 3:44 : U het Uself in die Wolkkolom gehul, sodat daar geen gebed kon deurdring nie;

KLAAG 3:45 : U het Ons 'n uitvaagsel en 'n wegwerpsel onder die volke gemaak.

KLAAG 3:46 : [P Pé.] Al Ons vyande het hulle mond teen Ons oopgerek;

KLAAG 3:47 : skrik en kuil het Ons deel geword, ondergang en verbreking.

KLAAG 3:48 : My oog loop af in waterstrome oor die verbreking van die Dogter van My Volk.

KLAAG 3:49 : [[e Ajin.] My oog vloei rusteloos weg sonder ophou,

KLAAG 3:50 : totdat JaHWeH uit die Hemele neersien en aanskou.

KLAAG 3:51 : My oog ontstel My Siel oor al die dogters van My Stad.

KLAAG 3:52 : [xo Tzadé.] Hulle het My soos 'n voël rondgejaag, die wat sonder oorsaak My vyande is; [JeHôWganan 15:25]

KLAAG 3:53 : hulle het My lewe in 'n kuil tot niet gemaak en klippe op My gegooi.

KLAAG 3:54 : Water het oor My hoof gestroom, Ek het gesê: Dit is klaar met My!

KLAAG 3:55 : [q Kof.] Ek roep U Naam aan, JaHWeH, uit die onderste kuil. [2Nikodemus ]

KLAAG 3:56 : U hoor My stem; verberg U Oor nie vir My ontboeseming, vir My hulpgeroep nie.

KLAAG 3:57 : U kom nader die dag as Ek U aanroep, U sê: Wees nie bevrees nie!

KLAAG 3:58 : [r' Resj.] U stry, My Meester, U twis [met] My siel, U verlos My lewe.

KLAAG 3:59 : U sien, JaHWeH, My verdrukking; verskaf My tog Reg.

KLAAG 3:60 : U sien al hulle wraaksug, al hulle planne teen My.

KLAAG 3:61 : Sjin.] U hoor hulle smaadrede, JaHWeH, al hulle planne teen My,

KLAAG 3:62 : die lippe van My teëstanders en hulle versinsels die hele dag teen My.

KLAAG 3:63 : Aanskou tog hulle sit en hulle opstaan, Ek is hulle spotlied.

KLAAG 3:64 : [T Taw.] U sal hulle vergeld vir wat hulle gedoen het, JaHWeH.

KLAAG 3:65 : U sal hulle gee verblinding van hart, U vervloeking oor hulle. [Lukas 23:34]

KLAAG 3:66 : U Toorn sal hulle vervolg en hulle verdelg van onder die Hemele van JaHWeH uit.